యేసు ప్రతి ఉదయము-DAY 29-“నూతన బలము – ఆత్మీయ పునరుజ్జీవనం”
యేసు ప్రతి ఉదయము:-
ఈ రోజు దేవుని వాగ్దానము:-
“పక్షిరాజు యవ్వనము వలె నీ యవ్వనము క్రొత్తదగుచుండునట్లు మేలుతో నీ హృదయము తృప్తి పరచుచున్నాను.”కీర్తనలు 103:5
“నూతన బలము – ఆత్మీయ పునరుజ్జీవనం”
- ఆత్మీయ జీవితమందు మనకు ఫై నుండి వచ్చు శక్తి కావలెను.
- శత్రువు క్రియలను లయపరచుటకు పరిశుద్దాత్మ శక్తి కావలెను.
- అపవాది తెచ్చు సమస్యలు,
- పోరాటములను జయించుటకు,
- జయము పొందిన పరిశుద్దులవలె సాగుటకును
- బలము అవసరము.
పోట్లాడుచున్న ఇద్దరిలో ఎవరు గెలిచెదరని మనము చెప్పగలము.
బలముగా ఉన్నవారే, బలము లేనివారిని పడద్రోయుదురు గదా ! అలాగైతే అంధకార శక్తులతో పోరాడుచున్న మనకు ఎంతో ఆత్మీయ బలము అవసరము.
చిన్న కధ:-
ఒక పక్షిరాజు వయస్సు 40 ఏళ్లకు వచ్చినప్పుడు, దాని రెక్కలు భారమైపోతాయి, ముక్కు వంకర తిరిగిపోతుంది, గోళ్లు మెత్తబడి ఎరను పట్టుకోలేవు. అప్పుడు అది రెండు దారులు ఎంచుకోవాలి: చావడం లేదా కష్టమైన మార్పును అంగీకరించడం.
అది ఒక ఎత్తైన కొండ మీదకు వెళ్లి, తన ముక్కును బండకు కొట్టి ఊడదీసేసుకుంటుంది. కొత్త ముక్కు వచ్చాక, తన పాత గోళ్లను పీకేస్తుంది. ఆ తర్వాత తన పాత రెక్కలను పీకేసి, ఐదు నెలల పాటు ఏకాంతంగా, ఉపవాసంతో వేచి ఉంటుంది. ఆ ఓపికా, సహనం తర్వాత దానికి నూతన యవ్వనం వస్తుంది. అప్పుడు అది మరో 30 ఏళ్లు గంభీరంగా జీవిస్తుంది.
నీతి: మన ఆత్మీయ జీవితంలో కూడా లోకపు భారాలు మనల్ని కృంగదీస్తున్నప్పుడు, దేవుడనే బండ చెంతకు వెళ్లి మన పాత అలవాట్లను విడిచిపెట్టి కనిపెడితే, ఆయన మనకు నూతన బలమునిచ్చి లోకముపై విజయమును ఇస్తాడు.
ప్రతి వారి జీవితములో ప్రతి ఒక్కరు దేవుని సన్నిధానములో ఏకాంతముగా కనిపెట్టి ప్రార్ధించవలెను.ఖచ్చితముగా జీవితములో ఉపవాసదినములు రాత్రిబగళ్ళు ఉపవాసముండి ప్రార్ధించేను.
దేశచరిత్రను మార్చివేసెను.ఏలీయా,మోషే అనువాదం 40 దినములు దేవుని సన్నిధానములో కనిపెట్టిరి,ప్రభువైన యేసుక్రీస్తు అరణ్యములోనికి వెళ్ళి నలువది దినములు దేవుని సన్నిధానములో కనిపెట్టి నందున పరలోక శక్తిని అపరిమితముగా పొందుకొనెను.
దేవుని సన్నిధానములో కనిపెట్టువారు నూతన బలము పొందుచున్నారు.వారు శత్రువుల వ్యతిరేకత లేక పోరాటములను గూర్చి ఏ మాత్రమును చింతించక ప్రభువు కొరకు లేచి ప్రకాశించుదురు.
“సీయోను,లెమ్ము లెమ్ము ని బలము ధరించుకొనుము.”అని దేవుడు చెప్పుచున్నాడు.యెషయా 52:1 . దేవుని బిడ్డలారా, మీకు నూతన బలము కావలెను.ప్రాణముతోను,ఆత్మతోను దైవీక శక్తి కావలెను.
ఫై నుండి వచ్చు పరిశుద్దాత్మ శక్తి కావలెను. కాబట్టి దేవుని సన్నిధానములో కనిపెట్టి బలముపై బలము పొందండి.
గొప్ప పలుకు:-
“ప్రార్థనలో మోకరించే వ్యక్తి, లోకంలో ఎదురయ్యే ఏ సమస్యకైనా ధైర్యంగా నిలబడగలడు.”
ప్రార్థన:-
పరిశుద్ధుడవైన మా తండ్రీ, ఈ దినము మీరు ఇచ్చిన వాగ్దానమును బట్టి మీకు వందనములు. పక్షిరాజు తన బలమును నూతనపరచుకున్నట్లు, నా ఆత్మీయ జీవితములో కూడా నూతన శక్తిని ప్రసాదించండి. శత్రువు తెచ్చే అంధకార శక్తులను, పోరాటాలను జయించుటకు మీ పరిశుద్ధాత్మ బలమును నాకు అనుగ్రహించండి. నేను అలసిపోయిన వేళలలో మీ సన్నిధిలో కనిపెట్టే ఓపికను ఇవ్వండి. మోషే, ఏలీయా మరియు యేసు ప్రభువు వలె ప్రార్థనలో గడిపి, పరలోకపు శక్తిని పొందుకొని, మీ సాక్షిగా జీవించే కృపను దయచేయండి. నన్ను బలహీనత నుండి బలములోనికి నడిపించమని యేసు నామములో అడుగుచున్నాను తండ్రీ, ఆమేన్.