యేసుతో ప్రతి ఉదయము:-

ఈరోజు దేవుని వాగ్దానము:-

“నా జనులు ఇకనెన్నడును సిగ్గునొందక యుందురు.” యోవేలు 2:27

పునరుద్ధరణ: పోగొట్టుకున్న ప్రతిదీ తిరిగి పొందుట

“ఇశ్రాయేలీయుల మధ్యనున్న వాడను నేనే యనియు  నేనే మీ దేవుడనైన యెహోవాననియు,నేను తప్ప వేరు దేవుడొకడును లేడనియు మీరు తేలిసికొందురు. నా జనులు ఇకనేన్నడును సిగ్గునొందక యుందురు.”

యోవేలు 2:27

1.మీరు ఎక్కడికి వెళ్లినను, ఎప్పుడు వెళ్లినను నిజమైన యేసుక్రీస్తు ప్రభువును   మీతో నుండునట్లు నిశ్చయపరచుకొనుడి.

2. మీరేదైనా పోగుట్టుకుంటె దానిని లేక మీ తప్పులను ఒప్పుకొనుటకు సిగ్గుపడే నవసరము లేదు.

నీ తప్పిదమును,అవమానమును కప్పిపుచ్చుకొనకుము. సహాయమునకై ఇతరుల యొద్దకు వెళ్లక నేరుగా యేసుక్రీస్తు ప్రభువు దగ్గరికి వెళ్లుము.

ఆయన పాదముల చెంత నిన్ను తగ్గించుకొని నీ తప్పులను,నీవు పోగొట్టుకొనిన దానిని ఒప్పుకొనుము.

నీవు “అయ్యో! నా యజమానుడా !నేనేమిచేయవలెను” అని ప్రార్ధించవలెను. నష్టము సంభవించిన స్థలమునకు క్రీస్తు ప్రభువు నిన్ను తీసికొని వెళ్లనిమ్ము. దేవుడు నీకేలాగున సహాయము చేయగలడో చూచుటకు ఇష్టపూర్వకముగా సిద్దపడి యుండుము.

ఎలీషా నరికిన ఆ కొమ్ము యేసు క్రీస్తు ప్రభువు యొక్క సిలువను గూర్చి మాట్లాడును. మన పాపముల నిమిత్తమే ఆయన  మ్రానుమీద వేలాడి మరణించెను అదే సిలువ ద్వారము మనము పోగొట్టుకొనిన దానిని తిరిగి సంపాదించుకొనవచ్చును. విశ్వాసము ద్వారా సిలువను మన జీవితంలో అన్వయించుకొని తద్వారా మనము పోగొట్టుకొనిన ప్రతి దానిని తిరిగి పొందుటను మనము చూడగలము.

 ఇక్కడ సామాన్య నియమమును గుర్తుంచుకొనుము. మొట్టమొదటిగా నీ జీవితంలో నష్టము ఆరంభమైన స్థలమునకు వెళ్లి ఆ స్థలమును ప్రభువుకు చూపించు “అవును  ప్రభువా! ఫలానా తేదీన ,ఫలానా సమయమున నేను అవివేకంగా ప్రవర్తించినందుకు ఈ నష్టము నా జీవితంలో వాటిల్లినది అని చెప్పుము”. 

ఇట్టి ఒప్పుదల తో నీవు ప్రభువు వద్దకు వెళ్ళినప్పుడే నీ ప్రతి నష్టమును సమకూర్చుటకు ఆయన సిలువ శక్తి ద్వారా ఆయన నీకు సహాయము చేయును. దీనికిగాను సజీవమైన, సామాన్యమైన విశ్వాసము అవసరము. “ఇదిగో నేను సదాకాలము మీతో కూడా ఉన్నాను” అని మన ప్రభువు మనతో చెప్పిన రీతిగా ఆయన మనతో ఉన్నాడు. ఆయన యొద్దకు వెళ్ళుటకు సందేహింపకము. నీవు పోగొట్టుకొనిన వాటి విషయమై ఆయనతో చెప్పి వాటన్నిటినీ సమకూర్చుకొనుటకు గాను నీకు సహాయము చేయుటకే ఆయన సిలువలో మరణించినని నమ్ముము.

ఎలీషా మరియు గొడ్డలి:-

మీరు ప్రస్తావించిన అంశం 2 రాజులు 6:1-7 లోని అద్భుతాన్ని గుర్తుచేస్తోంది.

 ప్రవక్తల శిష్యులు యొర్దాను నది దగ్గర దూలాలు నరుకుతుండగా, ఒకరి గొడ్డలి నీళ్ళలో పడిపోతుంది. అది అప్పు తెచ్చినది కావడం వల్ల అతను “అయ్యో నా యజమానుడా, ఇది అరువు తెచ్చినదే” అని బాధపడతాడు.

గొడ్డలి ఎక్కడ పడిందో ఎలీషా అడిగి, అక్కడ ఒక కర్రను (కొమ్మను) వేయగా, ఇనుము నీళ్లపై తేలుతుంది.

• • ఆ కొమ్మ క్రీస్తు సిలువకు సాదృశ్యం.

  • నీవు ఎక్కడైతే నీ ఆత్మీయతను లేదా ఆశీర్వాదాన్ని పోగొట్టుకున్నావో, అక్కడికే తిరిగి వెళ్లి ప్రభువుకు చూపించాలి. సిలువ శక్తి ద్వారా పోగొట్టుకున్నది తిరిగి పొందుతావు.

 గొప్ప పలుకు:-

“నీ తప్పును ఒప్పుకోవడానికి సిగ్గుపడకు, ఎందుకంటే నీ అవమానాన్ని భరించడానికే క్రీస్తు సిలువపై మరణించాడు. నువ్వు పోగొట్టుకున్న చోటే దేవుడు నిన్ను తిరిగి నిలబెడతాడు.”

 ప్రార్థన:-

ప్రార్థన: “పరలోకపు తండ్రీ, నీవు నా మధ్య ఉన్నావని, నేను ఎన్నడూ సిగ్గుపడనని నీవు ఇచ్చిన వాగ్దానం కోసం వందనాలు. ప్రభువా, నా జీవితంలో నేను తెలిసి తెలియక చేసిన తప్పుల వల్ల పోగొట్టుకున్న ప్రతి ఆశీర్వాదాన్ని బట్టి నీ సన్నిధిలో ఒప్పుకుంటున్నాను. (మీరు పోగొట్టుకున్న దాని గురించి ఇక్కడ చెప్పండి…).

ప్రభువా, ఎలీషా కాలంలో నీవు ఆ గొడ్డలిని ఎలాగైతే తిరిగి ఇచ్చావో, నీ సిలువ శక్తి ద్వారా నా జీవితంలో కలిగిన నష్టాన్ని పూడ్చమని వేడుకుంటున్నాను. నా అపరాధములను కప్పిపుచ్చుకోకుండా నీ పాదాల చెంత పెడుతున్నాను. నన్ను క్షమించి, నీ కృపతో నన్ను బలపరిచి, పోగొట్టుకున్న వాటన్నిటినీ రెట్టింపుగా దయచేయమని యేసు నామములో అడుగుతున్నాను తండ్రీ. ఆమేన్.”

ONE YEAR BIBLE READIN PLAN:-

నిర్గమకాండము 30-32 అధ్యాయములు